車路士喺新班主保利領導下進行大換血，被譽為「世界最佳防中」嘅尼高路簡迪，亦可能會被放棄。據英國《每日郵報》報道，車路士拒絕向呢位法國中場開出4年長約，意味尼高路簡迪明年約滿後可能自由轉會。
報道指現年31歲嘅尼高路簡迪，見今季新加盟嘅高列巴尼獲開4年合約，佢亦要求有同等待遇，不過車仔認為尼高路簡迪近年傷患問題嚴重，對上3季聯賽只係正選踢過20場、24場同21場，所以只願意開出2年合約。
如果車路士同尼高路簡迪未能達成協議，呢位中場今年1月就可以自由同英超以外球會斟介，據報法甲班霸巴黎聖日耳門對佢極有興趣，明年夏天有望免費將佢收歸旗下。
