阿仙奴2:1諾定咸森林

英超新波季首輪禮拜六頭場，阿仙奴主場對諾定咸森林，因票務系統故障，開賽時間押後半個鐘，兵工廠上半場由尼基迪亞同布卡約沙卡各起一功，森林末段由阿禾尼爾得，結果阿仙奴以2:1力克對手，新波季首戰旗開得勝。
阿仙奴經過既有希望又失望嘅波季，兵工廠今夏豪花逾兩億鎊購入3名新兵，迪格蘭賴斯、夏維斯同祖利安添巴喺今仗同部正選，加比爾捷西斯因傷缺陣，尼基迪亞今仗正選上陣。啱啱由阿仙奴轉投諾定咸森林嘅門將馬特四攞（Matt Turner），今仗倒戈並正選把關。
不過，開賽前先有阻滯，阿仙奴酋長球場今季改用喇，全新系統，擁躉以電子飛就可以入場，但新波季首恃即「揈轆」，系統出現故障，大量球迷滯留場外，故此賽事要延遲半個鐘開賽。
半個鐘後，球迷魚貫入場，阿仙奴與森林嘅賽事正式開始。主場出擊嘅阿仙奴佔盡優勢，一直責住森林喺後半場，直至中段終有收穫，阿仙奴走角球，森林一方解圍唔遠，馬天尼利左路傳畀尼基迪亞，呢個名英格倫前鋒摱入大位，右腳起腳建功，射破舊隊友馬特四攞嘅十指關，阿仙奴26分鐘先開紀錄。

新兵表現亮眼

6分鐘之後，阿仙奴由布卡約沙卡再下一城，呢個名英軍國腳右路摱入大位，禁區之外，左腳起腳抽射，猶如洛賓嘅「招牌菜」一樣，熨射到手，馬特四攞欲救冇得，兵工廠32分鐘領先至2:0，主帥阿迪達高舉對手慶祝。
上半場補時階段，新加盟嘅祖利安添巴與對手一次短兵相接，疑似觸傷膝部，呢個名荷蘭籃換邊後如常作賽，添巴轉方向時覺得唔掂，倒地時撳住膝部，要褪下火線，由日本籃富四健洋入同。
阿仙奴下半場再增添紀錄嘅機會，兵工廠兩名新兵合作，夏維斯回傳畀賴斯，並第一時間撞射，四攞淨系拍到再撞柱出界。
阿仙奴未能再添紀錄，森林一次反擊追至更近紀錄，由曼聯加盟嘅艾蘭加呢場後備入同，展示其高速，以速度狂推半場，定過賴斯殺入禁區，再傳中於阿禾尼爾（Taiwo Awoniyi）近射建功，82分鐘追成1:2。