社區盾:曼城vs阿仙奴
上季於英超榜亞頭放多時，阿仙奴就喺季落尾遭曼城趕過錯失錦標，新季豪斥2億鎊收購多員猛將再爭冠軍；「兵工廠」喺聯賽挑戰「藍月光」前，呢周先系「前哨戰」議員盾試驗新兵效果。
阿仙奴喺今個夏天於前中後三線都添咗良將，分別就以超過一億鎊收購迪格蘭賴斯、喺車路士羅致夏維斯，與及簽入咗荷蘭國腳祖利安添巴；其中賴斯可望直接取代轉投咗利華古遜嘅格列沙加出任正選中場，可踢嘅右掣同中堅嘅添巴篇增加咗防線嘅厚度，反而夏維斯點使用，就要睇主帥阿迪達有何新戰術。
夏維斯喺車路安士通常出任「假9號」，但其實呢名德國國腳多才多藝，可踢影子前鋒或者進攻中場，尤其阿仙奴上季有時得滯倚賴馬田奧迪加特「派牌」或者後上壅門，若夏維斯出任攻中，但可形成進攻雙核，絕對可令球隊嘅攻擊力upgrade一個檔次。
延伸閱讀
