曼城小勝1:0車路士

英超聯賽阿仙奴日前作客唔敵諾定咸森林，造就曼城預早3輪封王。星期日（21號）藍月光主場出戰車路安士，只系捧杯party嘅前戲，領隊哥迪奧拿作出9個調動，盡派副選同一班今季鮮有正選機會嘅後生小將上陣，依然系可以1:0小勝今季以近6億英鎊增兵嘅車路安士，朕容深度強大得恐怖。
曼城面對車路安士，哥仔連門將艾達臣都收起，由副選門將奧迪加把關。事實上，正選11人之中，除咗基爾獲加、科頓同馬列斯，餘下8個籃皆鮮有正選機會。呢個更噉系聯賽杯初段先會出現嘅「青年軍」陣容，開賽初段表現都唔失禮，12分鐘車路安士守將科芬攞喺中場中路「屈口，麥兜面」交失波，曼城把握機會突擊，攻勢清風送順由阿根廷小將艾華利斯先開紀錄。
車路安士企定陣腳後，搶返唔少攻勢，上半場更有做攞加歷查頭錘仔中楣，曼城後備門將奧迪加多次有表演身手機會，靠實加埋運氣力先可以保唔失。下半場輪到曼城射門中柱唔入，最終仍小勝1:0，賽果其實冇太多人志在，橫掂賽前已篤定封王，不過憑咁陣容擊敗另一支億萬大軍，唔講唔得噶喇陣容深度強大到恐怖。
曼城自2016年夏天由哥迪奧攞接手羅軍，除首季2016/17波季無杯落袋，其後6個波季全數有杯捧，而且合今季，已經系6年內第5度喺英超聯賽封王，連同4次聯賽杯同1次足總杯，羅軍以嚟累積第十個英格蘭本土冠軍。
呢支曼城被譽為歷來強球隊之一，最大批評聲就系球隊始終未能贏得歐聯冠軍。今季佢哋已經「叫糊」，歐聯四強擊褪14屆冠軍皇室馬德里，再度晉身決賽，淨係爭一步就可以登上歐洲之巔。歐聯決賽前一星期，佢哋重有一場對曼聯嘅足總杯決賽，如可以成功過三關，就可以複製同市宿敵曼聯1999年嘅三冠王成就。