占美畢拿7月14號起展開中國之旅

熱火球星占美畢拿（Jimmy Butler）7月14號起展開中國之旅，7月24號將會訪港一日，到訪贊助商位於廣東道嘅旗艦店，並出席「Jimmy Butler技術挑戰賽」。品牌將於7月20至22日舉辦選拔賽，揀本地扣好手於畢攞面前獻技。
畢攞今季帶領熱火於東岸創出「黑8傳奇」，贏得分岸冠軍並殺入決賽，雖然最終於總決賽唔敵金塊，冇緣總冠軍，但佢表現已經贏盡擁躉歡心。踏入暑假，畢攞將於月中展開中國之旅，並於7月24號訪港，系疫情之後，第二個訪港嘅NBA球星。畢攞當日將現身廣東道嘅李寧旗艦店，並出席「Jimmy Butler技術挑戰賽」，與香港球迷接觸。
品牌將於7月20至22日舉辦「Jimmy Butler技術挑戰賽精英選拔賽」，成績最優秀嘅三男3女參加者，將可晉身7月24號嘅挑戰賽決賽，喺畢攞見證下爭奪冠軍寶座。選拔賽詳情將於今星期內再公佈。
呢個挑戰賽憑票入場，有興趣市民由7月13日起，於李寧門市購物滿港紙999蚊，即可獲得活動飛一張，4間門市一共700個名額（4間門市名額唔同），到先先得。